අලුත් පොතක් අත දරාගත් සන්නා! No stopping or turning back!
තරිඳු උඩුවරගෙදර
උපුල් ශාන්ත සන්නස්ගලගේ අලුත්ම පොත No stopping or turning back මේ වෙද්දී විජේරාම හන්දියේ රෝයල් තැප්‍රොබේනියන් එකෙන් ගන්න පුළුවන්. ලොකුම ලොකු කාලෙකට පස්සේ සන්නස්ගල මුණගැහිලා මේ පොත මිලට ගන්න තැප්‍රොබේනියන් එකට ගියා. ඔහුගෙන් ලැබෙන සුපුරුදු මිත්‍ර ආශ්‍රය ලැබෙන අතරේම, පොතේ පිටු සීයකට වඩා එතැනදීම කියවන්න හැකි වුණා.
මේ සටහන, පොත ගැන සම්පූර්ණ විචාරයක්ම නෙවෙයි. එහෙත්, පොත් කියවීම- සංස්කෘතිය- තැප්‍රොබේනියන්- සන්නා සහ මේ පොත ගැන වැදගත් යෝජනා කිහිපයක්.
තැප්‍රොබේනියන් එකට ගොඩ වෙද්දී, සන්නස්ගල කතාබහක. පොත මිලට ගන්න ආ අයට පොත් අත්සන් කරමිනුයි හිටියේ. ඡායාරූපවලට පෙනී ඉන්න ගමන්. ඒ අතරතුරේ, මේ පොතේ කලාත්මක පිටකවරය නිර්මාණය කරපු පසන් තිලකවර්ධන පියානෝවේ ලස්සන වාදනයකත් නිරත වුණා.
එක ක්ෂණයෙන් මේ අවකාශය සහ කලබලකාරී බුක් ෆෙයාර් එක අතර වෙනස වැටහුණා. බුක්ෆෙයා එකේ තියෙන්නේ කලබල...
