ශ්‍රී ලංකාව දරුණු දේශගුණ අවදානම් අතරින් ලෝකයේ 30 වැනි තැන! වසරකට ඩොලර් මිලියන 380ක් දේශගුණ අනතුරුවලින් පාඩුයි! – ලෝක බැංකුව
දේශගුණ විපත් හේතුවෙන් ශ්‍රී ලංකාවට වාර්ෂිකව ඇමෙරිකන් ඩොලර් මිලියන 380ක පාඩුවක් සිදු වන බව ආපදා අවම කිරීම සහ ප්‍රතිසාධනය සඳහා වූ ගෝලීය පහසුකම හෙවත් Global Facility for Disaster Reduction and Recovery (GFDRR) සඳහන් කර තිබේ.
මෙය ලෝක බැංකුව යටතේ ඍජුව ක්‍රියාත්මක වන ආයතනයකි. මෙම ආයතනය විසින් පැවැත්වූ වැඩමුළුවකදී උක්තර කරුණු කියා තිබේ.
මේ වන විට එම පහසුකම යටතේ ඇමෙරිකන් ඩොලර් බිලියන 1.2කට වැඩි වටිනාකමකින් යුත් සිය ව්‍යාපෘති දැනට ක්‍රියාත්මක වෙමින් පවතී. වසර කිහිපයක් තිස්සේ දිවෙන මෙම ව්‍යාපෘති අතර පොදු ප්‍රවාහනයට අදාලව, ජල ආරක්ෂනය සහ නියඟවලින් ආරක්ෂා වීම, වැව් බැමිවල ආරක්ෂාව සහ ගුණාත්මකභාවය ඇතුළු කරුණු වෙනුවෙන් ව්‍යාපෘති ක්‍රියාත්මක වේ.
ඊට අමතරව 2019 වසරේදී ආන්තික කාලගුණ තත්වයන්ගෙන් වැඩිම බලපෑමක් එල්ල වූ රටවල් අතර ශ්‍රී ලංකාව 30 වැනි ස්ථානයේ පවතින බවද එහිදී පරිසර අමාත්‍යවරයා කියා...