ෆිලඩෙල්ෆියා ක්රීඩාංගණයේ ක්රීඩාවට බාධා කරමින් ඇති වූ දරුණු ගිගුරුම් සහිත වැසි මාලාවකින් පසු ප්රංශය සහ ඉරාකකය අතර තරගය පැය දෙකකට වැඩි කාලයක් නතර කර තිබුණි. ඒ කෙසේ වෙතත්, වර්ෂාවෙන් පසු යළි ඇරඹුණු තරගයේදී ප්රංශය සහ ඉරාකය අතර තරගය කෙසේ වෙතත් කිලියන් ම්බාප්පේ සහ ලයනල් මෙසී අතර තරගය තවත් අදියරකින් ඉදිරියට ගියේය. මේ තරගය අවසන් වෙද්දී මේ දෙන්නා අතර පමණක් ගෝල 9ක් බෙදී ගොස්ය. මෙසී 5කි. ම්බාප්පේ 4කි.
පසුගියවර ලෝක කුසලාන අවසාන තරගයේදී මෙසී සහ ම්බාප්පේ හමුවිය. මෙසී තමන් කවුදැයි ම්බාප්පේ ප්රබුඛ අතිශය භයානක ප්රංශ කණ්ඩායමට පෙන්වීය. ඇත්තටම කීවොත් මෙසී කවුදැයි ප්රංශයට පෙන්වීමට ආජන්ටිනා ගෝල්කීපර් මාටිනස් ගිය වතාවේ උදව් විය.
ඒ කෙසේ වෙතත් 2022 ලෝක කුසලාන අවසන් තරගය අමතක කොට අද තරගයට ආ යුතුය.
ප්රංශ නායකයා තවත් ගෝල දෙකක් ලබා ගත්තේය. පළමුවැන්න දඬුවම් කලාපයෙන් පිටත සිට එල්ල කළ ප්රබල පහරක් වූ අතර, දෙවැන්න ඉරාකයේ දුර්වල ආරක්ෂක උපක්රම හමුවේ පහසුවෙන් ලබා ගත් ගෝලයකි.
ඔස්මාන් ඩෙම්බෙලේ තෙවන ගෝලය ලබා ගත් අතර එය ප්රධාන තරඟාවලියකදී ඔහුගේ පළමු ගෝලය විය. ඩෙම්බ්ලේත් පෙන්විය යුතු දේවල් බොහෝය. වින්ගර් ක්රීඩකයා වූ ඔහු තමන් මත පටවාගත යුතු වගකීම, 2025 බැලන් දෝ ජයග්රාහකයා තමන් බවය. ඒ දර්ශකය අනුව දැන් ලෝකයේ හොදම ක්රීඩකයා මෙසීවත්, රොනාල්ඩෝවත්, හැරී කේන්වත්, යමාල්වත් අඩු තරමේ ම්බාප්පේවත් නොව තමන්ම බවය.
තම කණ්ඩායම නැවුම්ව තබා ගැනීම සඳහා කළමණාකරු ඩිඩියර් ඩෙෂැම්ප්ස් පැයක් ගතවෙද්දී ඩෙම්බෙලේ සහ මයිකල් ඔලිසේව පිටියෙන් ඉවත් කිරීමට ද හැකි විය.
ප්රංශයේ සිටින ක්රිඩකයන් දන්න එකම දේ කෙළවරක් නැතිව ගෝල් ගැසීමය. ඒ නිසාම ඩෙෂැම්ප්ස්ගේ උපක්රම පවා ගිය වතාවේ ප්රශ්න කෙරිණි. එහෙත් මෙවර ඒ ප්රශ්න කිරීම දිස් නොවීය.
ඉරාකයේ ගෝලයට එල්ල කළ මිනිත්තු 10 ක නොනවතින පීඩනයකින් පසුව, තර්ජන මැඩපැවැත්වීම සඳහා ආරක්ෂකයින් වමට සහ දකුණට කලබලයෙන් දිව යෑමට සිදු විය. මෙම ආක්රමණය කොතරම්ද යත්, ඉරාකයට ඔවුන්ගේ ආරක්ෂක වළල්ල යාර හයේ කලාපයෙන් ඔබ්බට ගෙන යාමට පවා නොහැකි විය.
ජූල්ස් කුන්ඩේ සමඟ දකුණු පසින් ගොඩනැගූ ප්රහාරයකින් පසු, මුල්ම ගෝලයට සහය ලබා දුන්නේ ඔලිසේ විසිනි. මෙවර ඒ සඳහා කිසිදු නිර්මාණාත්මක බුද්ධියක් අවශ්ය නොවූ අතර, අවශ්ය වූයේ පන්දුව එම්බාපේ වෙත සරලව යොමු කිරීම පමණි. ඔහු පන්දුව පාලනය කරගෙන වහාම තම වම් පාදයෙන් ගෝලය හරහා දරුණු පහරක් එල්ල කළේය. ඉරාක ගෝල රකින ක්රීඩක අහමඩ් බැසිල්ට එයට තම ඇඟිලි තුඩක ස්පර්ශ කර ගැනීමට හැකි වූ නමුත් ඊට වඩා යමක් කළ නොහැකි විය.
පළමු අර්ධයේ තවත් මිනිත්තු 10 ක් ඉතිරිව තිබියදී, කලින් අනාවැකි පළ කර තිබූ අයහපත් කාලගුණය අවසානයේ පැමිණියේය. ෆිලඩෙල්ෆියා ක්රීඩාංගණය මුළුමනින්ම පාහේ ආවරණය කර නොමැති අතර, වැසි කබා ඇඳ ගැනීමට ප්රේක්ෂකයන් අතර හදිසි කලබලයක් ඇති විය. ඒත් වැස්ස ඊට වඩා ප්රබල විය. හාෆ් ටයිම් එකට විසිල් එක නාද වුණේ, වැස්සෙන් වළකින්නට ආවරණ වෙත යන ලෙස ප්රේක්ෂකයන්ටත් යෝජනා කරමිනි. එයින් පසු තරගය යළි පටන් ගන්නට වෙලාව ගන්නා බව නිවේදනය කෙරිණි.
කුණාටු එකක් යද්දී තව එකක් ක්රීඩාංගණයට ආවේය.
තරඟය නතර කර පැය දෙකයි මිනිත්තු 11 කට පසු අවසානයේ තරඟය නැවත ආරම්භ විය. ප්රේක්ෂකයන් අතර ඉරාක්- ඉරාක් යනුවෙන් ජයගෝෂාවක් තිබුණු නමුත් ඩෙම්බෙලේ ඒ ගෝෂාව නිහඩ කළේය. එහෙත්, එයට ඉරාක ආරක්ෂාවට සිටි සෙයිඩ් තහ්සීන්ගේ අත් වැරදීමකුත් හේතු විය. පන්දුව වේගයෙන් ගෝල්කීපර් බැසිල්ට යොමු කළ අතර, එය වේගවත් වැඩි නිසා බැසිල්ගේ පා ඇගිලි තුඩුවල වැදි ඩෙම්බ්ලේට යොමු විය. ඩෙම්බ්ලේ එය ම්බාප්පේට යොමු කළේය.
66 වැනි මිනිත්තුවේදී ඔලිසේ දඬුවම් කලාපයේ ඉහළ කෙළවරේදී ඉරාක ආරක්ෂකයින් දෙදෙනෙකු මගහැර, දකුණු පසින් සිටි ඩෙම්බෙලේ වෙත පන්දුව යොමු කළ අතර, ඔහු ගෝලය හරහා පහතින් ගිය පළමු පහරෙන්ම ගෝලයක් ලබා ගත්තේය.
