අධිකරණය විවෘත වරෙන්තු නිකුත් කර තිබියදී ඒ බව දැන දැනම ගලගොඩඅත්තේ ඥානසාරට රාජගිරියේ සිට ඇල්පිටිය දක්වා සිය මෝටර් රථයෙන් ප්‍රවාහන පහසුකම් ලබාදී ඇති බැංකු නිලධාරියකු ඔක්තෝබර් 09 දක්වා රක්ෂිත බන්ධනාගාරගත කර ඇත.
එම සැකකරු ඊයේ (ඔක්තෝබර් 06) කොළඹ ප්‍රධාන මහේස්ත්‍රාත් අසංග එස් බෝදරගම හමුවට කොළඹ අපරාධ කොට්ඨාශය විසින් ඉදිරිපත් කිරීමෙන් පසු එම රක්ෂිත බන්ධනාගාරගත කිරීමේ නියෝගය ලබාදී ඇත.
දමිත් අන්ජන වනිගසේකර නැමැති කැලණියේ පදිංචි සැකකරු බැංකු නිලධාරියෙක් වන අතර ඔහුට එරෙහිව දණ්ඩ නීති සංග්‍රහයේ වරදවල් සිදුකිරීම සම්බන්ධයෙන් චෝදනා නඟා ඇත. ඒ රටේ පවතින නීතියට ගරු නොකරමින් අධිකරණ නියෝගවලට අවනත නොවී කටයුතු කිරීම සම්බන්ධයෙනි.
