ඕස්ට්රේලියානු ජාතික ව්යාපාරිකයෙකුට අයත් සමාගම් කොටස් අයුතු ලෙස පරිහරණය කර රුපියල් මිලියන 21ක සාපරාධී විශ්වාසය කඩ කළ බවට චෝදනා ලබා සිටි හිටපු අමාත්ය උදය ගම්මන්පිල එම චෝදනාවලින් නිදොස් කොට නිදහස් කිරීමට කොළඹ මහාධිකරණය අද (සැප්තැම්බර් 29) නියෝග කර තිබේ.
තීන්දුව ප්රකාශයට පත් කරමින් කොළඹ මහාධිකරණ විනිසුරු නදී අපර්ණා සුවඳුරුගොඩ සඳහන් කර ඇත්තේ විත්තිකරුට එරෙහිව පැමිණිල්ල විසින් ඉදිරිපත් කර ඇති චෝදනා සාධාරණ සැකයෙන් ඔබ්බට ඔප්පු කිරීමට නොහැකි වී ඇති බවයි.
ඕස්ට්රේලියානු ජාතික ව්යාපාරිකයෙකු වන බ්රයන් ෂැඩික් මහතාට අයත් සමාගම් කොටස් ව්යාජ ඇටෝර්නි බලපත්රයක් යොදාගෙන අලෙවි කිරීමෙන් රුපියල් මිලියන 21ක සාපරාධී විශ්වාසය කඩ කළ බවට චෝදනා කරමින් උදය ගම්මන්පිල මහතාට එරෙහිව මෙම නඩුව ගොනු කර තිබුණි.
