2027 මුදල් වර්ෂය සඳහා වූ අයවැය පාර්ලිමේන්තුව වෙත ඉදිරිපත් කිරීමට අමාත්ය මණ්ඩල අනුමැතිය හිමිව තිබේ.
ඒ අනුව, 2027 මුදල් වර්ෂයට අදාළ විසර්ජන පනත් කෙටුම්පත රජයේ ගැසට් පත්රයේ පළ කිරීමෙන් අනතුරුව පාර්ලිමේන්තුව වෙත ඉදිරිපත් කිරීමට නියමිතය.
මුදල්, ක්රමසම්පාදන සහ ආර්ථික සංවර්ධන අමාත්යවරයා ලෙස ජනාධිපති අනුර කුමාර දිසානායක මහතා ඉදිරිපත් කළ යෝජනාවකට අනුව අමාත්ය මණ්ඩලය මෙම අනුමැතිය ලබාදී තිබේ.
2027 මුදල් වර්ෂය සඳහා වූ විසර්ජන පනත් කෙටුම්පත සකස් කිරීම සඳහා 2026 ජුනි 30 වැනිදා පැවති අමාත්ය මණ්ඩල රැස්වීමේදී මීට පෙර අනුමැතිය ලබාදී තිබිණි.
ඒ අනුව, නීති කෙටුම්පත් සම්පාදකවරයා විසින් සකස් කළ විසර්ජන පනත් කෙටුම්පත සඳහා නීතිපතිවරයාගේ නිෂ්කාශනයද මේ වනවිට ලැබී තිබේ.
