ඊයේ (21) පස්වරුවේ ඇද හැලුණු අධික වර්ෂාව හේතුවෙන්, හැටන් දික්ඔය ප්රදේශයේ ෆෝඩයිස් වතුයාය ආශ්රිත පහත්බිම්වල පිහිටි වතු නිවාස 50ක් සම්පූර්ණයෙන්ම ජලයෙන් යට වී ඇති බව හැටන් පොලිසිය පවසනවා.
එහි දී එම වතුයාය හරහා කාසල්රි ජලාශයට ජලය ගලා බසිනා දික්ඔය ඇළ පිටාර ගැලීමෙන් මෙම ආපදා තත්ත්වය ඇති වී ඇති බවත්, වර්ෂාව හේතුවෙන් හැටන් ෆෝඩයිස් හරහා ඩයගම මාර්ගයේ ගමනාගමන කටයුතු ද සම්පූර්ණයෙන්ම ඇනහිට ඇති බවත් මේ සම්බන්ධයෙන් වැඩිදුරටත් අදහස් දක්වමින් පොලිසිය සඳහන් කර සිටියා.
ඒ අනුව එම නිවාසවල පදිංචි පවුල් 50 කට පමණ අයත් සාමාජිකයන් 100 කට අධික පිරිසක් ආරක්ෂිත ස්ථාන කරා යොමු කර ඇති බව වතු අධිකාරිය සඳහන් කර සිටියා.
ඊයේ දිනයේ පස්වරු 3 සහ 4 අතර පැයකට ආසන්න කාලයේ දී ඇද හැලුණු අධික වර්ෂාව මෙම තත්ත්වය ඇති වීමට බලපෑ බවයි සිද්ධිය සම්බන්ධයෙන්ව අදහස්න් දක්වමින් වතු කම්කරුවන් සඳහන් කර ඇත්තේ.
