කලා සහ සංස්කෘතික කටයුතු පිළිබඳ පාර්ලිමේන්තු සංසදයේ සභාපති ලෙස පාර්ලිමේන්තු මන්ත්රී ජගත් මනුවර්ණ මහතා තේරී පත් වී තිබෙනවා.
මෙම සංසදය නියෝජ්ය සම සභාපතිවරුන් 5 කගෙන්ද සමන්විත වන අතර මෙම සංසදයේ සමාරම්භක රැස්වීම ඊයේ (11) පැවැත්වුණු අතර එහිදී සභාපතිවරයා ලෙස ජගත් මනුවර්ණගේ නම පාර්ලිමේන්තු මන්ත්රීවරුන් වන රුවන් මාපලගම විසින් යෝජනා කළ අතර සුගත් වසන්ත ද සිල්වා විසින් ස්ථිර කර ඇත.
එසේම සංසදයේ නියෝජ්ය සම සභාපතිවරුන් ලෙස පාර්ලිමේන්තු මන්ත්රීවරුන් වන රුවන් මාපලගම, තුෂාරි ජයසිංහ, සුසන්ත දොඩාවත්ත, සුගත් වසන්ත ද සිල්වා සහ නිලන්ති කොට්ටහච්චි යන අය තේරී පත් වී ඇත.
සංසදයේ ඉදිරි වැඩකටයුතු පිළිබඳ සාකච්ඡා කිරීමට සංසදය එළඹෙන 22 වැනිදා නැවත රැස්වීමට තීරණය කර තිබේ.
