පාස්කු ඉරු දින ත්රස්ත ප්රහාරය සම්බන්ධයෙන් වූ ජනාධිපති පරීක්ෂණ කොමිෂන් සභා වාර්තාව මේ වනවිට පොලීසියට ලැබී තිබෙනවා.
ඒ අනුව අදාළ විමර්ශන වාර්තාව අධ්යයනය කිරීම සඳහා ජ්යෙෂ්ඨ නියෝජ්ය පොලිස්පති අසංග කරවිට මහතාගේ සභාපතිවරයාගේ සභාපතීත්වයෙන් යුත් කමිටුවක් පත්කර ඇතැයි පොලිස් මාධ්ය ප්රකාශක, ජ්යෙෂ්ඨ පොලිස් අධිකාරි නීතිවේදී බුද්ධික මනතුංග පැවසුවා.
අසංක කරවිට මහතා 2015 පෙබරවාර මාසයේදී එවතට අගමැති රනිල් වික්රමසිංහ විසින් සිය ආරක්ෂක ප්රධානියා ලෙස තෝරා ගත්තා.
ඔහු රනිල් හිතවාදියෙක් ලෙස ප්රකටයි.
පාස්කු ඉරුදින ත්රස්ත ප්රහාරය පිළිබඳ ඉදිරි විමර්ශන පිළිබඳ මාධ්ය දැනුවත් කරමින් පොලිස් මාධ්ය ප්රකාශකවරයා මේ බව සඳහන් කළා,
එම කමිටුවේ අනෙකුත් සමාජිකයින් වන්නේ
- නියෝජ්ය පොලිස්පති – අපරාධ පරීක්ෂණ දෙපාර්තමේන්තුව
- අධ්යක්ෂ – අපරාධ පරීක්ෂණ දෙපාර්තමේන්තුව
- අධ්යක්ෂ – ත්රස්ත විමර්ශන කොට්ඨාසය
මේ අතර මෙම කමිටුව මඟින් තවත් අනුකමිටු ගණනාවක් පිහිටුවා ඔවුන් විසින් ජනාධිපති කොමිෂන් සභා වාර්තාව අධ්යයනය කරමින් පවතින අතර, ඒ අනුව මතුවන නව කරුණු සම්බන්ධයෙන් අලුතින් විමර්ශන ආරම්භ කරන බව ද පොලිස් මාධ්ය ප්රකාශකවරයා පැවසුවා.
කෙසේවෙතත් මෙම පරීක්ෂණ කොමිසම් වාර්තාව පිටු 66,000 – 67,000ක් අතර වන බැවින් දැනට පිහිටුවා ඇති කමිටු මඟින් මෙම වාර්තාව අධ්යයනය කරමින් පවතින අතර, ඉක්මනින් මීට අදාළ විමර්ශන ආරම්භ කර ඉදිරි නෛතික කටයුතු අදාළ පුද්ගලයින්ට එරෙහිව සිදුකරනු ලබන බව ද පොලිස් මාධ්ය ප්රකාශකවරයා සඳහන් කළා.
මෙම කමිටුවට ශානි අබේසේකර මහතා ඇතුලත් නොවිම පිළිබද ඇතැම් පිරිස් විමතිය පලකර සිටිනවා.
[…] පාස්කු වාර්තාව අධ්යනය රනිල්ගේ හිටපු… […]