ජපානයේ අයිචිනගෝයාහි පැවැත්වෙන 5 වැනි ආසියානු පැරා ක්‍රීඩා උළෙලේදී ශ්‍රී ලංකාවට පළමු පදක්කම දිනා දෙමින් එම්. සෆ්රාන් පිරිමි දුර පැනීමේ T47 ඉසව්වෙන් ලෝකඩ පදක්කම හිමිකරගෙන තිබෙනවා.
එම ඉසව්වේදී සෆ්රාන් මීටර් 6.55ක දුරක් වාර්තා කරමින් තෙවැනි ස්ථානයට පත්වූ අතර ඔහුගේ අවසන් උත්සාහයේදී වාර්තා කළ දුර පදක්කම දිනාගැනීම සඳහා තීරණාත්මක වී තිබෙනවා.
මෙම ඉසව්වේ රන් පදක්කම ඉන්දියාවේ නිෂාද් කුමාර් දිනාගත්තේ මීටර් 7.11ක දුරක් වාර්තා කරමින්.
මීටර් 6.99ක දුරක් වාර්තා කළ උස්බෙකිස්තානයේ ඔමාද්බෙක් කසානොව්ට රිදී පදක්කම හිමි වුණා.
ශ්‍රී ලංකාව නියෝජනය කරමින් මෙම ඉසව්වට එක්වූ යූසුෆ් සල්මාන් මීටර් 6.40ක දුරක් වාර්තා කරමින් සිව්වැනි ස්ථානයට පත්වූ අතර බුද්ධික ඉන්ද්‍රපාල මීටර් 6.11ක දුරක් වාර්තා කරමින් පස්වැනි ස්ථානය හිමිකරගනු ලැබුවා.
සෆ්රාන්ගේ මෙම දස්කමත් සමඟ ආසියානු පැරා ක්‍රීඩා උළෙලේ මලල ක්‍රීඩා ඉසව්වකින් ශ්‍රී ලංකාවට පදක්කමක් හිමිවීම විශේෂත්වයක් වනවා.
දුර පැනීමේ ඉසව්වේ අවසන් වටයේදී ඔහු දැක්වූ දක්ෂතාව ශ්‍රී ලංකාවට මෙම ලෝකඩ පදක්කම දිනා දීමට සමත් වී තිබෙනවා
සෆ්රාන්ගේ මෙම ජයග්‍රහණය ඔහුගේ පළමු ජාත්‍යන්තර පදක්කම නොවන බවද වාර්තා වී තිබෙනවා.
2026 මැයි මාසයේදී ඉන්දියාවේ පැවති පැරා ජාත්‍යන්තර මලල ක්‍රීඩා ශූරතාවලියේදීද ඔහු පිරිමි T47 දුර පැනීමේ ඉසව්වෙන් ලෝකඩ පදක්කමක් දිනාගනු ලැබුවා.
එහිදී ඔහු මීටර් 6.72ක දුරක් වාර්තා කරමින් තම පෞද්ගලික හොඳම දක්ෂතාවද සටහන් කළ බව වාර්තා වුණා.
