ගොඩනැගිලි ඉදිකිරීම් ව්යාපෘතියකට අදාළව ගෙවිය යුතු රුපියල් මිලියන 36කට ආසන්න මුදලක් නොගෙවා පැහැර හැරීමේ චෝදනාව මත කොළඹ හිටපු නගරාධිපති ඒ. ජේ. එම්. මුසම්මිල් මහතාගේ වැඩිමහල් පුත්රයා කටුනායක බණ්ඩාරනායක ජාත්යන්තර ගුවන්තොටුපොළේදී අත්අඩංගුවට ගෙන තිබෙනවා.
මධ්යම අපරාධ විමර්ශන කාර්යාංශයේ නිලධාරීන් කණ්ඩායමක් විසින් මෙම අත්අඩංගුවට ගැනීම සිදු කර ඇති බව වාර්තා වුණා.
ඉදිකිරීම් ව්යාපෘතියක් වෙනුවෙන් ගෙවීමට නියමිතව තිබූ රුපියල් ලක්ෂ 360කට ආසන්න මුදලක් වංචා සහගත ලෙස නොගෙවීම සම්බන්ධයෙන් ව්යාපාරික පාර්ශ්වයක් විසින් කරන ලද පැමිණිල්ලකට අනුව මෙම අත්අඩංගුවට ගැනීම සිදු කර තිබෙනවා.
අදාළ පැමිණිල්ලට අනුව විමර්ශන පැවැත්වෙමින් තිබූ පසුබිමක සැකකරු කටුනායක ගුවන්තොටුපොළ හරහා විදේශගත වීමට උත්සාහ කර ඇති අතර එහිදී ගුවන්තොටුපොළ බලධාරීන් සහ විමර්ශන නිලධාරීන් එක්ව ඔහුව සිය භාරයට ගෙන තිබෙන බවයි වාර්තා වන්නේ.
ඒ. ජේ. එම්. මුසම්මිල් මහතා එක්සත් ජාතික පක්ෂය නියෝජනය කරමින් කොළඹ මහ නගර සභාවේ නගරාධිපතිවරයා ලෙස කටයුතු කළ ප්රකට දේශපාලනඥයෙක්.
පසුව ඔහු බස්නාහිර, වයඹ සහ ඌව පළාත්වල ආණ්ඩුකාර ධුර මෙන්ම විදේශ දූත මණ්ඩල ප්රධානී තනතුරු කිහිපයක්ද හොබවා තිබෙනවා.
මීට පෙර වසරවලදීද (2016-2018 කාලසීමාවේ) මූල්ය වංචා, චෙක්පත් අගරු වීම් සහ මුදල් අවභාවිත කිරීම් සම්බන්ධයෙන් ඒ. ජේ. එම්. මුසම්මිල් මහතාගේ වැඩිමහල් පුත්රයා වන මොහොමඩ් හිස්බුල්ලා මුසම්මිල්ට එරෙහිව කොළඹ මූල්ය අපරාධ විමර්ශන කොට්ඨාසය සහ අධිකරණ හමුවේ නඩු පැවරීම් මෙන්ම විදෙස් ගමන් තහනම් කිරීම්ද වාර්තා වී තිබුණා.
