සමගි ජන බලවේගයේ හොරණ හිටපු සංවිධායක චරිත් අබේසිංහ, හිටපු අධිකරණ අමාත්ය විජයදාස රාජපක්ෂගේ පුත් රඛිත රාජපක්ෂ සහ ශ්රී ලංකා ගුවන් තොටුපළ සහ ගුවන් සේවා සමාගමේ හිටපු විධායක අධ්යක්ෂ අරුණ ශ්රී වරුෂහන්නදිගේ යන අය ලබා ජූලි 17 වැනිදා දක්වා යළි රක්ෂිත බන්ධනාගාරගත කිරීමට කොළඹ ප්රධාන මහේස්ත්රාත් අධිකරණය අද (03) නියෝග කර තිබේ.
නඳුන් චින්තක නොහොත් ‘හරක් කටා’ නමැත්තා ත්රස්තවාදය වැළැක්වීමේ පනත (PTA) යටතේ පනවා ඇති රඳවා ගැනීමේ නියෝගවලින් නිදහස් කර, වෙනත් බන්ධනාගාරයකට යොමු කිරීම සහ අපරාධ පරීක්ෂණ නිලධාරීන්ට අල්ලස් දී ඔහුව සාමාන්ය සිරකරුවෙකු ලෙස රඳවා ගැනීමට සැකකරුවන් මුලින් රුපියල් මිලියන 500ක මුදලක් ඉල්ලා ඇති බවට චෝදනා එල්ල වී ඇත.
පසුව එම ඉල්ලීම රුපියල් මිලියන 200 දක්වා අඩු කර ඇති අතර, ඉන් රුපියල් මිලියන 120ක අත්තිකාරම් මුදලක් ඉල්ලා ගැනීම සම්බන්ධයෙන් මෙම සැකකරුවන් තිදෙනා ජූනි 25 වැනිදා අල්ලස් හෝ දූෂණ චෝදනා විමර්ශන කොමිෂන් සභාව විසින් මොවුන් අත්අඩංගුවට ගෙන අධිකරණයට ඉදිරිපත් කරනු ලැබීය.
චෝදනාවලට අනුව, සැකකරුවන් විසින් 2023 වසරේදී ඩුබායිහිදී “හරක් කටා” ගේ බිරිඳ වන මධුෂිකා මධුවන්තිගෙන් මෙම අල්ලස් මුදල ඉල්ලා ලබාගෙන ඇති බව පැවසේ.
