ජාත්යන්තර මූල්ය අරමුදලේ (IMF) පළමු නියෝජ්ය කළමනාකාර අධ්යක්ෂිකා ආචාර්ය ගීතා ගෝපිනාත් දෙදින නිල සංචාරයක් සඳහා දිවයිනට පැමිණ ඇත.
ආචාර්ය ගීතා ගෝපිනාත් අද (15) සහ හෙට දින තුළ ශ්රී ලංකාවේ සංචාරයක නිරත වීමට නියමිත ය.
ශ්රී ලංකා මහා බැංකුව සඳහන් කරන ආකාරයට 2005 වසරෙන් පසු, ජාත්යන්තර මූල්ය අරමුදලේ සේවය කරන පළමු නියෝජ්ය කළමනාකාර අධ්යක්ෂකවරයෙකු ශ්රී ලංකාවේ සංචාරය කරන පළමු අවස්ථාව මෙයයි.
2025 ජූනි මස 16 වැනිදා පැවැත්වීමට නියමිත, මුදල් අමාත්යාංශය, ශ්රී ලංකා මහ බැංකුව සහ ජාත්යන්තර මූල්ය අරමුදල එක්ව සංවිධාන කරන, “ශ්රී ලංකාවේ ආර්ථිකය යථා තත්ත්වයට පත් කිරීම: ණය සහ පාලනය” මැයෙන් සමුළුවේ විශේෂ ආරාධිතයෙකු ලෙස ආචාර්ය ගෝපිනාත් සහභාගී වීමට නියමිතයි.
ජාත්යන්තර මූල්ය අරමුදලේ සහායෙන් ක්රියාත්මක වන ප්රතිසංස්කරණ වැඩසටහනේ පළමු අර්ධය අවසන් වී ඇති මෙම අවස්ථාවේ දී පැවැත්වෙන මෙම සමුළුවේ දී සාර්ව ආර්ථික ස්ථායීතාව ළඟා කර ගැනීම, ණය ප්රතිව්යුහගතකරණය සහ පාලනය සම්බන්ධයෙන් ශ්රී ලංකාව ලද අත්දැකීම් සහ ඉදිරි අභියෝග පිළිබඳ ව සාකච්ඡා කිරීමට නියමිත ය.
තව ද, මෙම සංචාරයට තුළදී ඇය ශ්රී ලංකාව සමග ජාත්යන්තර මූල්ය අරමුදලේ පවතින සබඳතා පිළිබඳව ශ්රී ලංකා බලධාරීන් සමග ද්විපාර්ශ්වික සාකච්ඡා පැවැත්වීමට සහ අනෙකුත් ප්රධාන පාර්ශවකරුවන් සමග සාකච්ඡා පැවැත්වීමට ද බලාපොරොත්තු වේ.
