රේගු බදු නොගෙවා නීති විරෝධීව මෙරටට ගෙන්වා සන්තකයේ තබාගත් වාහනයක් සම්බන්ධයෙන් වූ චෝදනා තුනකට වරද පිළිගත් හිටපු ඇමති ජොන්ස්ටන් ප්‍රනාන්දුට දඬුවම් නියම කිරීම නොවැම්බර් 25 දක්වා කල්දමා ඇත.
ඒ කොටුව වැඩබලන මහේස්ත්‍රාත් කිංස්ලි හෙට්ටිආරච්චි හමුවේ අද (නොවැම්බර් 11) එම නඩුව කැඳවූ අවස්ථාවේදීය.
ඔක්තෝබර් 28 වැනිදා ඒ පිළිබඳ නඩුව කැඳවූ අවස්ථාවේදී හිටපු ඇමති ජොන්ස්ටන් ප්‍රනාන්දු ඔහුට එරෙහිව එල්ලකර ඇති චෝදනාවලට සිය නීතිඥයා මගින් වරද පිළිගත් අතර දඬුවම් නියම කිරීම ඒ අනුව අද දිනට නියම කර තිබුණි.
