අල්ලස් හෝ දූෂණ චෝදනා විමර්ශන කොමිසම විසින් ව්‍යාපාරිකයෙකුගෙන් රුපියල් මිලියනයක අල්ලස් ලබාගැනීම සම්බන්ධයෙන් පවරා ඇති නඩුවේ විත්තිවාචක නොකැඳවා තමාව නිදහස් කරන ලෙස හිටපු ඇමති ලක්ෂ්මන් යාපා අබේවර්ධන කර තිබූ ඉල්ලීමක් කොළඹ මහාධිකරණය ප්‍රතික්ෂේප කර තිබේ.
අද (නොවැම්බර් 09) කොළඹ මහාධිකරණ විනිසුරු රශන්ත ගොඩවෙල හමුවේ එම නඩුව කැඳවූ අවස්ථාවේදී එම ප්‍රතික්ෂේප කිරීම කර ඇති අතර එහිදී මහාධිකරණය එම නඩුවට අදාළ විත්තිවාචකය නොවැම්බර් 30 වැනිදා කැඳවීමට නියෝග කර ඇත.
ශ්‍රී ලංකා ආයෝජන මණ්ඩලයට අදාළ කටයුත්තක් සඳහා පහසුකම් සැලසීම වෙනුවෙන් හිටපු ඇමති ලක්ෂ්මන් යාපා අබේවර්ධන එම අල්ලස ලබාගත් බවට චෝදනා එල්ල කර තිබේ.
