Top News

නව අධ්‍යාපන ප්‍රතිසංස්කරණ ක්‍රියාත්මක කිරිම සඳහා ඉකුත් වසර තුන ඇතුළත 2020, 2021, 2022 වර්ෂ තුළ අධ්‍යාපන ප්‍රතිසංස්කරණ රාජ්‍ය අමාත්‍යාංශය 5,219,297,390 වියදමක් දරා තිබුණද සැලසුම් කළ පරිදි ජාතික අධ්‍යාපන ප්‍රතිසංස්කරණ සිදුකිරීමට අපොහොසත් වී ඇති බව ජාතික විගණන කාර්යාලය මගින් නිකුත් කොට ඇති නවතම විගණන වාර්තාවක සඳහන් කර ඇත. අදාල තොරතුරු කර ඇත්තේ අධයාපන අමාත්‍යාංශය මගින් නිකුත් කර තිබුණු 2022 වාර්ෂික කාර්යසාධන වාර්තාවට ඇතුළත්ව ඇති විගණන වාර්තාව තුළය. නව අධ්‍යාපන ප්‍රතිසංස්කරණ ක්‍රියාත්මක කිරීම සඳහා අතිවිශේෂ ගැසට් පත්‍රයක් මගින් අධ්‍යාපන, ප්‍රතිසංස්කරණ විවෘත විශ්වවිද්‍යාල හා දුරස්ථ අධ්‍යාපන ප්‍රවර්ධන රාජ්‍ය අමාත්‍යාංශය පිහිටුවා තිබුණි. කෙසේ වුවද මෙම රාජ්‍ය අමාත්‍යාංශය 2022 ජුලි 22 දිනැති අතිවිශේෂ ගැසට් පත්‍රයක් මගින් අහෝසි කොට තිබුණි. විෂය පථයට අයත්ව තිබූ කාර්යයන් හා කර්තව්‍යයන් එදින ...

හිටපු ජනාධිපති මහින්ද රාජපක්ෂගේ තෙවැනි පුත් රෝහිත රාජපක්ෂ සිය දෙවැනි ආචාර්ය උපාධිය ලබා තිබෙන බව රාජපක්ෂ පවුලේ සමාජ මාධ්‍ය පිටුවලින් අනාවරණය වෙනවා. රෝහිත රාජපක්ෂගේ වැඩිමල් සහෝදරයා වන නාමල් රාජපක්ෂ සිය ඉන්ස්ටග්‍රෑම් පිටුවේ ස්ටෝරි එකක් පළ කරමින්, රෝහිත රාජපක්ෂට සුභ පතා තිබෙනවා. තවත් හිතවතෙකුද සුභ පතා ඇති අයුරු රෝහිත රාජපක්ෂ මේ වන විට කොළඹ විශ්වවිද්‍යාලයේ ගණිත අංශයෙන් ආචාර්ය උපාධියක් ලබා සිටිනවා. එක්සත් රාජධානියේ නිව් සවුත්හැම්ප්ටන්හි විශ්වවිද්‍යාලයකින්ද ඔහු මීට පෙර එම්බීඒ සහ බීඑස්සී උපාධි ලබා සිටියා. මීට අමතරව රෝහිත රාජපක්ෂ මහතා ශ්‍රී ලංකා ජාතික කණ්ඩායම සහ මෙරට ප්‍රධාන ක්‍රීඩා සමාජ නියෝජනය කළ රග්බි ක්‍රීඩකයෙක්ද වනවා. කළුතර නාගරික ක්‍රිකට් සමාජය නියෝජනය කරමින් පළමු පෙළ ක්‍රිකට් තරගවලටත් එකතු වී ඇති නිසා ඔහු වෙනුවෙන් ‘ක්‍රික් ඉන්ෆො‘ වෙබ් අඩවියේ පිටුවක්ද නිර්මාණය කර තිබෙ...

මධ්‍යම අධිවේගී මාර්ගයේ ඉදිකිරීම් කටයුතු වෙනුවෙන් කපාදැමූ පඩුකරඳ ගස වෙනුවට පඩුකරඳගස් දෙසීයක් සිටුවීමට කැබිනට් අනුමැතිය ලැබී ඇතැයි කැබිනට් මාධ්‍ය ප්‍රකාශක ජනමාධ්‍ය අමාත්‍ය බන්දුල ගුණවර්ධන මහතා පැවසීය. මධ්‍යම අධිවේගී මාර්ගය ඉදිකිරීම් කටයුතු සිදුකරන ගම්පහ ප්‍රදේශයේ තිබූ පඩුකරඳ ගස ඉවත් කිරීම සම්බන්ධව අදහස් දක්වමින් අමාත්‍යවරයා මේ බව පැවසීය. "ගස් දෙසීයක් මේ එක ගහ වෙනුවට නැවත වගා කරන්න වැඩපිළිවෙළක් සකස් කරනවා.මේ කරුණු ටික මම ගිහින් කැබිනට් මණ්ඩලයට දැනුම් දුන්නා. මේක විශාල ජාතික අපරාධයක්. බොරුවක්, මිත්‍ර්‍යාවක් රට පුරා ඇති කරලා කඩා කප්පල් කාරී ක්‍රියාවක් මේක මෙච්චර ගස් ප්‍රමාණයක් දැනට ඒ අවට තියෙනවා. උද්භිත විද්‍යාඥයෝ කියනවා, මේ වගේ ගස් ඕනෑ තරම් ප්‍රමාණයක් හදලා දෙන්න පුලුවන් කියලා. ඒ නිසා මේ ගස කැපීම සඳහා කැබිනට් අනුමැතියක් ලබා දෙන්න කියලා, මම කැබිනට් මණ්ඩලයෙන් ඉල්ලුවා. කැබිනට් මණ්ඩලය කිව්ව...

පාස්කු ඉරුදින එල්ල කෙරුණු ත්‍රස්ත ප්‍රහාරය වළක්වා ගැනීමට කටයුතු නොකිරීම තුළින් සිදුකළ මූලික මිනිස් අයිතිවාසිකම් උල්ලංඝනය කිරීම නිසා රුපියල් මිලියන 100 ක වන්දියක් ගෙවන ලෙස හිටපු ජනාධිපති මෛත්‍රීපාල සිරිසේන වෙත ශ්‍රේෂ්ඨාධිකරණය කළ නියෝගයට අනුව ඔහු වන්දි වශයෙන් රුපියල් මිලියන 15ක මුදලක් ගෙවා ඇති බව මාධ්‍ය වාර්තා කර ඇත. එසේ වන්දි ගෙවා ඇත්තේ පාස්කු ඉරුදින එල්ල කෙරුණු ත්‍රස්ත ප්‍රහාරය වළක්වා ගැනීමට කටයුතු නොකිරීම තුළින් සිදුකළ මූලික මිනිස් අයිතිවාසිකම් උල්ලංඝනය කිරීම වෙනුවෙනි. මෛත්‍රීපාල සිරිසේන මහතා සිය නීතිඥවරුන් මාර්ගයෙන් ශ්‍රේෂ්ඨාධිකරණයට ඉදිරිපත් කර තිබෙන මෝසමේ සඳහන් කර තිබෙන්නේ තමන්ට හිටපු ජනාධිපතිවරයා වශයෙන් විශ්‍රාම වැටුප් වශයෙන් මාසිකව රුපියල් 97,500 ක්ද පාර්ලිමේන්තු මන්ත්‍රීවරයෙකු වශයෙන් දීමනා හැර රුපියල් 54,285 ක මුදලක් ද ආදායම වශයෙන් ලැබෙන බවය. ඒ අනුව ශ්‍රේෂ්ඨාධිකරණය විසි...

2023 සැප්තැම්බර් 11 වැනිදා අධිකරණයට කරුණු දැක්වීම සඳහා පෙනී සිටින ලෙස දන්වමින් තොරතුරු දැනගැනීමේ අයිතිවාසිකම් පිළිබඳ කොමිෂන් සභාවේ සභාපති විශ්‍රාමික ශ්‍රේෂ්ඨාධිකරණ විනිසුරු උපාලි අබේරත්න, විශ්‍රාමික අභියාචනාධිකරණ විනිසුරු දයා චන්‍ද්‍රසිරි ජයතිලක සහ විශ්‍රාමික පොලිස්පති සහ ජාතික පොලිස් කොමිසම් සභාවේ සභාපති චන්‍ද්‍රා ප්‍රනාන්දු යන මහත්වරුන්ට සිතාසි නිකුත් කිරීමට අභියාචනාධිකරණය ජූලී 10 දින නියෝග කර ඇත. විශ්‍රාමික ජ්‍යෙෂ්ඨ පොලිස් අධිකාරි ශානි අබේසේකර ගොනුකර තිබූ අධිකරණයට අපහාස කිරීම සම්බන්ධයෙන් වූ නඩුවක් සම්බන්ධයෙන් නියෝග නිකුත් කරමින් අභියාචනාධිකරණ මෙම නියෝගය නිකුත් කර තිබුණි. එම විනිසුරු මඩුල්ලේ සභාපති විනිසුරු නිශ්ශංක බන්දුල කරුණාරත්න හා රත්නප්‍රිය ගුරුසිංහ යන මහත්වරුන්ගෙන් සමන්විත විනිසුරු මඩුල්ල මෙම නියෝගය නිකුත් කර තිබුණි. තමන් සම්බන්ධයෙන් දේශපාලන පලිගැනීම් කොමිෂන් සභාව ලබා ...

රට බංකොළොත් වීම පිළිබඳ සොයාබැලීමට යැයි පත් කරන ලද පාර්ලිමේන්තු තේරීම් කාරක සභාවෙන් විපක්ෂයේ දේශපාලන පක්ෂ ඉවත් වීම නිසා, එම කාරක සභාවේ ඉදිරි පැවැත්ම අභියෝගයට ලක් වී තිබේ. වාර්තා වන ආකාරයට මෙම කාරක සභාව තුළ ආණ්ඩුවේ සාමාජිකයන් පමණක් ඉතිරි වීමට ඉඩ ඇත. එම කාරක සභාව සඳහා සහභාගී වීමෙන් වළකින බව විපක්ෂ නායක සජිත් ප්‍රේමදාසගේ ප්‍රධානත්වයෙන් පැවති, විපක්ෂයේ සමගි ජන බලවේගයට හිතවත් කණ්ඩායමේ විධායක සභාවේ සාකච්ඡාවකදී තීරණය කර තිබේ. ඊට අමතරව ජනතා විමුක්ති පෙරමුණේ පාර්ලිමේන්තු මන්ත්‍රී විජිත හේරත්ද කථානායකවරයා වෙත ලිපියක් යවමින් කාරක සභාවෙන් ඉවත් වී තිබේ. ඉහත සඳහන් කළ සාකච්ඡාව පැවැත්වූ කණ්ඩායමට සමගි ජන බලවේගය, ශ්‍රී ලංකා පොදුජන පෙරමුණ ඇතුළු ආණ්ඩුවේ පක්ෂවලින් ඉවත් වූ කණ්ඩායම් ඇතුළත් වේ. මෙයට හේතුව ලෙස එහිදී සාකච්ඡා කර ඇත්තේ ශ්‍රී ලංකා පොදුජන පෙරමුණේ ලේකම්වරයා සහ දේශ...