Blog

ජාතික රූපවාහිනී සංස්ථාවේ කුලියාපිටිය ප්‍රාදේශීය වාර්තාකරු දිනෙත් කුමාර බිංගිරිය පොලීසියට අදාල පුවතක් වාර්තා කරමින් සිටියදී, ඔහුට පහර දී කැමරා සහ උපකරණවලට හානි වන ආකාරයෙන් කටයුතු කොට, බන්ධනාගාරගත කිරීමේ සිදුවීම හෙළා දකිමින් මාධ්‍ය සේවක වෘත්තිය සමිති සම්මේලනය නිවේදනයක් නිකුත් කර ඇත. මේ පිළිබඳ නව වැඩබලන පොලිස්පතිවරයා වහා සොයාබැලිය යුතු බව එම නිවේදනයේ සඳහන්ය. නිවේදනය වැඩිදුරටත් මෙසේය. 2023 දෙසැම්බර් 01 මාධ්‍ය නිවේදනය. මාධ්‍යවේදී දිනෙත් කුමාරට පහරදී අත්අඩංගුවට ගැනීම හෙළා දකිමු! ජාතික රූපවාහිනී සංස්ථාවේ, කුලියාපිටිය ප්‍රාදේශීය වාර්‍තාකරු දිනෙත් කුමාර බිංගිරිය පොලීසියට අදාල පුවතක් වාර්‍තා කරමින් සිටියදී, ඔහුට පහර දී කැමරා සහ උපකරණවලට හානි වන ආකාරයෙන් කටයුතු කිරීම හා අනතුරුව මාධ්‍යවේදියා බන්ධනාගාරගත කිරීම මාධ්‍ය සේවක වෘත්තිය සමිති සම්මේලනය දැඩි ලෙස හෙළා දකී. නොවැම්බර් 30 වැනිදා ...

මුස්ලිම් අන්තවාදය ඉගැන්වූ බව කියමින්, නවසරම් නම් වූ කාව්‍ය කෘතියකට අදාලව චෝදනා එල්ල වී ත්‍රස්ත චෝදනා යටතේ සිරගත කොට තැබූ අහ්නෆ් ජසීම්ට එරෙහි චෝදනා, එනම් ඔහු මුස්ලිම් අන්තවාදය ඉගැන්වුවාය යන චෝදනාව ඉදිරියටත් පවත්වාගෙන යනවාද, නැද්ද යන කාරණය පිළිබඳ තීන්දුව දෙසැම්බර් 12 වැනිදා ප්‍රකාශයට පත් කරන බව පුත්තලම මහාධිකරණය දැනුම් දී තිබේ. කෙසේ වෙතත් එම පුවත වාර්තා කිරීමේදී දිනමිණ පුවත්පත වාර්තා කර ඇත්තේ අහ්නාෆ් ජසීම් ‘මුස්ලිම් අන්තවාදය ඉගැන්වූ‘ කෙනෙකු කෙනෙකු ලෙස හුවා දක්වමිනි. දිනමිණ එසේ හුවා දැක්වුවත්, නොවැම්බර් 27 වැනිදා අහ්නාෆ් ජසීම් පිළිබඳ නඩුව කැඳවූ අවස්ථාවේදී නීතිපතිවරයා වෙනුවෙන් පෙනී සිටි රජයේ අධිනීතිඥවරිය කියා තිබුණේ, පැමිණිල්ල ඉදිරිපත් කළ සාක්ෂි අගතිදායක බැවින් අනෙකුත් සාක්ෂි නොකැඳවා නඩුව අවසන් කරන බවය.  ඒ අනුව රජය පාර්ශ්වයෙන් නඩුව ඉදිරියට ගෙනයෑමේ සූදානමක් නොමැත. මෙය මූලික මහේස්ත්‍ර...

මාර්ගගත ක්‍රමවල සුරක්ෂිතතාව පිළිබඳ පනත් කෙටුම්පත පාර්ලිමේන්තුවේ සරල බහුතරයකින් සම්මත කරගැනීමට නම් වගන්ති 30කට වඩා කාරක සභා අවස්ථාවේදී වෙනස් කරන්නට සිදු වන බවත්, එසේ නොමැති නම් කෙටුම්පත සම්මත කිරීමට පාර්ලිමේන්තුවේ තුනෙන් දෙකක විශේෂ බහුතරය අවශ්‍ය බවත් ශ්‍රේෂ්ඨාධිකරණය තීන්දු කර තිබේ. තීන්දුව කියවන්නDownload එම තීන්දුවේ ඇති මූලික කරුණු නියෝජ්‍ය කථානායක අජිත් රාජපක්ෂ පාර්ලිමේන්තුවේදී ප්‍රකාශ කරනු ලැබීය. ව්‍යවස්ථාවට ප්‍රකාරව ශ්‍රේස්ඨාධිකරණය හමුවේ එම පනත් කෙටුම්පත අභියෝගයට ලක් කරමින් පෙත්සම් 50ක් ඉදිරිපත් වූ අතර, එය වැඩිම විරෝධයක් එල්ල වූ පනත් කෙටුම්පතක් විය. පනත් කෙටුම්පෙත් ව්‍යවස්ථානුකූලභාවය පිළිබඳ ශ්‍රේෂ්ඨාධිකරණ තීන්දුව අනුව 3, 5, 7, 9, 11, 12, 13, 14, 15, 16, 17, 18, 19, 20, 21, 22, 23, 25, 26, 27, 29, 30, 31, 32, 36, 37, 42, 45, 53, 56 යන වගන්ති ව්‍යවස්ථාවේ මූලධර්මවලට බලපා...

දකුණු පළාත් ආණ්ඩුකාර කාර්යාලය ඉදිරිපිට පෙරේදා (23) උද්ඝෝෂණයේ යෙදෙමින් අපරාධමය වරදක් කර ඇතැයි අත්අඩංගුවට ගෙන අධිකරණයට ඉදිරිපත් කළ සැකකරුවන් දෙදෙනා ඇප මත මුදාහැරීමට නියෝග කර තිබෙනවා. ඒ උද්ඝෝෂණය කිරීම මහජනතාවගේ පූජනීය අයිතියක් බවත්, පොලිසිය ජනතාවගේ මූලික අයිතිවාසිකම් ආරක්ෂා කළ යුතු බවත් පවසමින් පොලිස් නිලධාරීන්ට අවවාද කළ ගාල්ල ප්‍රධාන මහේස්ත්‍රාත් ඉසුරු නෙත්තිකුමාර මහතා මෙම නියෝගය ලබා දී තිබෙනවා. මෙලෙස මුදාහරින ලද්දේ ජන අරගල වෘත්තීය සමිති මධ්‍යස්ථානයේ ක්‍රියාකාරී සාමාජිකයන් දෙදෙනකු වන ධම්මික නයන කුමාර (28) සහ මේනක වික්‍රමානයක (33) යන දෙදෙනෙක්. මේ පිළිබඳ ගාල්ල උසාවියේ නීතිඥවරියක වන ගෝපිකා ලොකුගේ ලියා තිබූ සටහනක් මෙසේයි. ‘2023.10.24ගාල්ල ප්‍රධාන මහේස්ත්‍රාත් අධිකරණයේ විනිසුරු තුමා විසින් පලාත් පාලන සේවකයන්ගේ උද්ඝෝෂණයකදී පහර දී , අත් අඩංගුවට ගෙන, අධිකරණයට ඉදිරිපත් කරන ලද ප්‍රභාත් නය...

දැනට ක්‍රියාත්මක ගැටුම ගැන එක්සත් ජාතීන්ගේ ආරක්ෂක කවුන්සිලයේ පළමු විවෘත විවාදයේදී ගාසාහි මානුෂීය අර්බුදය මැද සටන් විරාමයක් පිළිබඳ හඩ මතු වෙද්දී, බලවතුන් එරෙහි වේ! තත්වයේ බරපතලකම හරිහැටි ආවරණය නොවෙන නමුත්, පලස්තීනයේ ජාත්‍යන්තර නීතිය කඩ වී ඇති බව සඳහන් ඇල්මැරුණු ප්‍රකාශයක් එක්සත් ජාතීන්ගේ මහලේකම් සිදු කරයි! ඒ ටික කීවාටත් කේන්ති ගිය ඊශ්‍රායලය මහලේකම්ට ඉල්ලා අස්විය යුතු බවත්, එක්සත් ජාතීන්ගේ නිලධාරීන්ට වීසා නොදෙන බවත් කියයි ලෝක නීතිය සහ පිළිගත් ආයතනවල අසමත්කම මැද හමාස්- හිස්බුල්ලා ඒකාබද්ධ සටනක් ගැන සාකච්ඡා පවත්වයි! ඊශ්‍රායලය ගාසා තීරයට ප්‍රහාර එල්ල කරමින්, ඔක්තෝබර් 07 වැනිදා සිට සිදු කරගෙන යන නවතම ගැටුම්කාරී තත්වය ගැන පළමු විවෘත විවාදය පැවැත්වීමට එක්සත් ජාතීන්ගේ සංවිධානයේ ආරක්ෂක කවුන්සිලය කටයුතු කළා. එය ඉතා උණුසුම් මුහුණුවරක් ගත් විවාදයක් වී තිබුණා. ආරක්ෂක කවුන්සිලයේ සාමාජිකය...

මේ වන විට පාර්ලිමේන්තුවේ සභාගත වී තිබෙන, ලංකා ඉතිහාසයේ වැඩිම විරෝධතා පෙත්සම් ගණනාවකට මුහුණදුන් පනත් කෙටුම්පත වන මාර්ගගත ක්‍රමවල සුරක්ෂිතතාව පිළිබඳ පනත් කෙටුම්පත ඉවත් කරගෙන, නව කෙටුම්පතක් ඉදිරිපත් කිරීමට බලාපොරොත්තු වන බව මහජන ආරක්ෂක අමාත්‍ය ටිරාන් අලස් කැබිනට් මණ්ඩලය වෙත කියා තිබේ. මේ බව ටිරාන් අලස්ට අයත් පුවත්පතක් වන සිලෝන් ටුඩේ පුවත්පතේ මුල් පිටුවේ පුවතක් ලෙස වාර්තා කර ඇති අතර, අප කළ විමසීම්වලදී කැබිනට් ඇමතිවරුන් දෙදෙනෙකු තහවුරු කළේ ඔක්තෝබර් 23 වැනි සඳුදා පැවති කැබිනට් මණ්ඩල රැස්වීමේදී නව පනත් කෙටුම්පතක් ගෙන ඒමට ටිරාන් අලස් මහතා කැබිනට් මණ්ඩලයෙන් අනුමැතිය ඉල්ලූ බවයි. කෙසේ වෙතත්, කැබිනට් මණ්ඩල රැස්වීමේදී නව කෙටුම්පතක් ඉදිරිපත් කරන්නේ කවදදාද, එසේ කළ යුතුද ආදිය පිළිබඳ නිශ්චිත එකඟතාවක් ඇති වුණේ නැති නමුත්, පනත අලුතින් ගෙන එන බව පමණක් ටිරාන් අලස් අමාත්‍යවරයා කී&...

මාර්ගගත ක්‍රමවල සුරක්ෂිතතාව පිළිබඳ පනත, ත්‍රස්ත විරෝධී පනත සහ කම්කරු නීති සංශෝධන වැනි ආණ්ඩුව හිතුමතේට ගෙන ආ පනත් කෙටුම්පත් සම්පත වුණොත් ශ්‍රී ලංකාවේ ප්‍රජාතන්තවාදය අවසන් වනු ඇති බවත්, දූෂිත ඒකාධිපති රාජ්‍යයක් සදාකාලිකව ස්ථාපිත වනු ඇති බවත් කාන්තා සංවිධාන සහ අනෙකුත් සිවිල් සංවිධාන ගණනාවක් ඒකාබද්ධව නිකුත් කරන ලද විශේෂ නිවේදනයකින් පෙන්වා දී තිබුණි. මෙම නිවේදනය සකස් කිරීම සඳහා මහාචාර්ය සාවිත්‍රි ගුණසේකර, ක්‍රියාකාරීනි ශ්‍රීන් ෂරූර්, නීතිඥ ස්වස්තිකා අරුලිංගම් ඇතුළු ක්‍රියාකාරීනියන් පිරිසක් මූලිකත්වය ගෙන තිබීම විශේෂත්වයකි. පුද්ගලයන් 125ක් සහ සංවිධාන 37ක් මෙම නිවේදනයට අත්සන් තබා තිබුණි. එම නිවේදනයේ දළ සිංහල පරිවර්තනයක් මෙසේය. මාර්ගගත ක්‍රමවල ආරක්ෂාව පිළිබඳ පනත සහ ත්‍රස්ත විරෝධී පනත - ශ්‍රී ලාංකික පුරවැසියන්ගේ ප්‍රජාතන්ත්‍රවාදය සහ මූලික අයිතීන් අවසන් කරන නීති සම්පාදනයන් රජය විසින් ‘මා...